السلام عليكم ورحمة الله وبركاته
حياكم الله جميعاً
اثناء شغلي على تعديل سماعات شركة
@beyerdynamic
هذي التعديلات و الصيانة الي نشتغلها
https://iem-world.com/ar/category/rjyVWn
صادف ان ارسل لي احد العملاء سماعة DT990 PRO
(استأذنت من العميل قبل انشر الصور)
السماعة كانت في حال يرثى لها ..
استغربت قد اشتغلت على اكثر من 30 سماعة لنفس الشركة
ولا وحده منها مهلوكة بالشكل هذا !!!
السماعه خلاص في آخر حياتها ..
قلت مالي شغل سماعته لو يبي يكسرها حلاله
استغربت شغله ثانية !!
شوفو المسامير الي تمسك الـ كبس (الدرايفر)
والله ماسكه بـ الاسم فقط .. الجهة تتحرك كأن المسامير مفكوكه على الاخر
جيبت افكهم .. ماسكه كـ منظر و اسم انها مثبته الدرايفر لا يطيح من الباند
قلت يالله معليش .. يمكن الرجال استخدامه خشن مع السماعه وصارت بالوضع الحالي
طيب .. فكيتها .. هنا الصدمة !!!
30 سماعة اشتغلت عليها .. ولا قد شفت الدرايفر هذا .. ايضا الكتابات الخارجيه طاير اللون اللي عليها !!
كملت شغلي وقفلت السماعة
الحين وقت التجربة عشان اشيك بشكل نهائي على شغلي ..
الصوت ماهو الصوت الي اعرفه و مر علي في نسخ الـ 990 الي اشتغلت عليها !!!!
الصوت حاد مقارنه في النسخ الثانيه و البيس اضعف و انحف !! وتقريبا كل الاصوات فيها نحف !! مع العلم تجربتي لها ما تجاوزت ربع ساعة ..
صدقاً كان وضعها غريب .. بعد ما ارسلت للمالك اني انتهيت منها وخلاص شحنتها ..
قال لي تدري انها مقلده من AliExpress
قلت بس هذا الي كان محيرني مع سماعتك كل شي فيها غريب
طيب نجي للدرايفر الأصلي و الي شفته في كل نسخ ال 990 الي مرت علي
وهذي صورة ثانية
و في الأخير ..
نصيحة أخو لا ترمي فلوسك على سماعة مقلده تستخدمها ساعات طويله كل يوم و صوتها سيئ
ادري انها بنصف السعر ..
لاكن هل اذنك ما تسوى عندك تشتري لها شي اصلي و نظيف؟
و الزيادة كلها ما تتجاوز 400 ريال فقط ..
ماهي متوفرة عندك انتظر شهر و اثنين و ثلاثة و جمعها و اشتري شي أولا يعيش معك و يعطيك الآداء الصحيح ..
و في الأول و الأخير انت كـ مستخدم لك كامل الحرية وين تحط فلوسك ..
لاكن حبيت انصحك
و بـ التوفيق للجميع ..
تحياتي
نايف
موجود في السوق
ما فيه إعلان معروض لهذا المنتج الحين.
نبهني إذا نزل
التعليقات