السلام عليكم ..
مسائكم او صباحكم سعيد يارب
اليوم ابتدينا مشروع جديد كان في الإنتظار من أشهر
المشروع بإختصار :
صناعة كيبل هيدفون يكون بآداء قوي و سعر معقول ..
و بعد البحث و التجارب الكثيرة استقرينا على معدن النحاس الخالي من الاوكسجين
(OFC)
و تم اكتمال الكيبل اليوم ولله الحمد
طول الكيبل ٢ متر
المواد الي استهلكتها في العملية :
٨ متر كيابل خام
٨ متر الـ Sleeve
خلونا ناخذكم في جولة على بعض المراحل الي مر فيها الكيبل
أولا : بعد ما وصلت المواد الخام
لبستها سليف (Sleeve)
مثل ما شفنا هنا :
ثانيا : جهزنا العدة الي ممكن احتاجها اثناء الشغل عليه
ثبتناه على قطعة تساعدني اثناء عمل التجديل
(Braided)
بسم الله ابتديت
صح متعب شوي انك تضبطه بس الحمد لله مع التدريب المكثف تطلع بنتائج فوق الممتازة
و في الصورة التالية انتهينا من التجديل في الجزء الاكبر من الكيبل
باقي الجزء الثاني الي هو : إذا انقسم الكيبل لـ ٢ اليمين و اليسار
وهنا خلصنا منه سويت له تويست
وهذي صور من قريب
كذا الحمد لله قرب يخلص وجهزنا له الـ بلقات
نجهز البلقات نفسها .. نعطيها وجه لحام عشان يسهل علينا توصيل الكيبل عليه
بعد تلحيم البلقات خلاص يكتمل الشغل نختبر الكيبل على جهاز الاختبار عشان اتأكد من الإشارة
و اجربه على هيدفون
وخلاص اركب له الـ هيت شرينك .. وبكذا يكتمل الشغل
نترككم مع بعض الصور بعد إكتماله
وقبل إتاحة الطلب نحتاج نختبره بشكل مكثف على عدد من السماعات اللي اثق في آدائها
و إن شاء الله خلال كم يوم راح نقرر نتيح الطلب عليه او لا ..
و مبدئيا النتائج مبشرة جداً و لله الحمد
بس نحتاج شوية وقت لإكتمال التجربة ..
وفي الختام ..
تحياتي ..
نايف
موجود في السوق
ما فيه إعلان معروض لهذا المنتج الحين.
نبهني إذا نزل
التعليقات