السلام عليكم
صبحكم / مساكم الله بالخير
كل واحد داخل في هواية الصوتيات يحلم بـ شي واحد
الآداء المثالي لـ ذوقه سواء من اجهزة او سماعات ..
لي 10 سنوات اطارد هذا الحلم
و وصلت لـ نقطه اقدر اقول فيها اني وصلت بنسبة 95٪ للشي اللي ابغاه
بس وش كانت التكلفة ؟؟؟؟
مئات التجارب
عشرات الأجهزة
مئات من السماعات
كيابل ما ادري كم عددها
فلوس لو حسبتها بيجيني إكتئاب 😖
على مدى 10 سنوات من عمري
بداية القصة :
قبل فتره بسيطه طلبت من الذكاء الاصطناعي يبحث لي عن مصادر موثوقة لـ بعض التفاصيل الدقيقة لـ مشروع ناوي ابتدي فيه ,
و هو : بناء قطعة بدون دوائر نشطة / ما يحتاج مصدر طاقة خارجي , اقدرعن طريقها تعديل الطابع الصوتي بالشكل اللي يناسبني موضوعه طويل جداااا و يدوخ و لا راح ازعجكم فيه
الزبده اني ابتديت اجمع القطع اللي احتاجها لبناء نسخة أولية لهذا المشروع
كل قيمه تستهدف شغله معينه
و اثناء البحث قال لي الذكاء الاصطناعي ان فيه جهاز مسوين فيه شي قريب من اللي جالس ابنيه لاكن بشكل اكثر تطور و احترافية وتعقيد ..
طيب وش اسم الجهاز ؟
طلع لي : SPL Vitalizer Mk3-T
جلست اقرأ عنه وكل ما تعمقت انبهرت فيه ..
الجهاز انالوج بالكامل = مافيه أي معالجة رقمية … اهااااا هنا وقفت احترام لهذي الشركة هذي الطريقة الوحيده اللي اشوفها مناسبه للتعديل على الصوت ..
طيب نجي لتفاصيل الجهاز نفسه :
وش هالجهاز بالضبط ؟
هو :
معالج يعيد ترتيب المشهد الصوتي نفسه ،
ويقلل التداخل بين الأصوات بحيث كل صوت يأخذ مساحته بشكل أوضح.
الترددات المنخفضة/ الـ بيس :
تبغاه يصير أعمق، أثقل وأكثر وضوح من غير ما يغطي على التفاصيل، او تبغاه أدفأ او أكثر كنترول و انت تتحكم في درجته
والصوت البشري يصير أكثر ثبات وأكبر حجم، وكأن له حضور حقيقي قدامك .
أما المشهد الصوتي (الساوند ستيج) :
فـ تقدر تخليه يتوسع ويكبر ويزيد عمقه
الفصل بين الآلات تتحكم في درجته
و إمتداد الأصوات تتحكم فيه ايضا بتغاه يصير سريع او طبيعي
تبغى تظهر ادق و اصغر نغمه او صدى او تخليها في الخلفية .
تتحكم تبغى الفوكلز متقدم او متراجع او موزون
الرزلوشن و الـ كليريتي : تحكم فيهم حسب اللي تحتاجه ترفعهم او تنزلهم بكيفك
بمعنى آخر .. راح تتحكم بالمشهد الصوتي بشكل كامل تقريباً
و بقولها بصيغه ثانية : كأنه يشيل الـ ماسك/الحاجز اللي بينك و بين الأغنية و يخليك تسمع الاغنية بالشكل اللي يعجبك أنت .
قدرت عن طريقة اشيل زي الطبقة اللي تحجب او تحجب على التسجيل الصوتي و اعيد تشكيلة بشكل دقيق جدااااااا على ذوقي
تجربتي :
انا من شفت المقاطع اللي برفقها لكم بعد شوي انجنيت ..
معقول فيه شي يسوي كذا
بحثت عن الجهاز بشوف السعر ..
حصلته بـ 1200 يورو …
رابط الجهاز من موقع الشركة :
https://spl.audio/en/spl-produkt/vitalizer-mk3-t/
السعر ماهو رخيص
و اصلا موجه للـ إستديوهات
بس بعد اللي سمعته مستحيل اشيله من راسي
ليش ما يدخل في أي سيستم عند أي مستخدم حتى لو كان هاوي ؟
مع البحث عرفت ان الشركة نزلت إضافة (بلقن / plugin )
محاكي للجهاز الفعلي ..
و بنفس اسم الجهاز : SPL Vitalizer Mk3-T – و فيها خصائص أكثر من الموجودة في الجهاز نفسه .
قلت بس هو اللي بيحدد لي هل بشتري الجهاز او لا بعد ما اجربه
( مع اني اكره المعالجة الرقمية للصوت) بس قلت للتجربه ما يمنع ..
بحثت حصلت بعض المواقع تبيعة بـ 150$
و مع التعمق وصلت لموقع Plugin Alliance
يبيعة بـ 59$ .. و الأجمل يعطيك فترة تجريبية 14 يوم (نسخة مفتوحة بالكامل) بعدها لو تبغى تقدر تشتريه ..
هذا الرابط :
https://www.plugin-alliance.com/products/vitalizer-mk3-t
و اذا قربت تخلص التجربة المجانية باقي يومين مثلا
ارجع للموقع و اختر الاشتراك الشهري في باقة : CORE
https://www.plugin-alliance.com/products/core?variant=52067903013128&selling_plan=690351702280
و بتاخذ 30 يوم تجربة إضافية مجانا .. لـ 200 بلقن متوفره ضمن العرض / و بتكلم بعد شوي عن 2 إضافية مهتم بتجربتهم و بشرح وش يسوون ..
و تقدر تلغي الاشتراك فيها قبل لا تنتهي بـ يوم عشان لا يسحبون منك أي مبلغ ..
نرجع لـ موضوعنا
مثل ما قلت قبل شوي هذا plugin
يعني تحتاج برنامج يشغله لك
في حالتي انا عندي نظام MacOS
و مشتري واحد من أقوى البرامج المتخصصة في الصوتيات وهو :
Audio Hijack
https://rogueamoeba.com/audiohijack/
وهذي صورة له من جهازي
و بالنسبة لـ مستخدمي الويندوز
سألت الذكاء الاصطناعي لكم وهذا رده :
و هذي روابط البرامج و كلها مجانية :
VB-Audio Matrix
https://vb-audio.com/Matrix/
Kushview Element
https://kushview.net/element/download/
اول تجربة :
جلست كم ساعه اجرب و اعدل و تجاربي كلها مبنيه على الدليل اللي ناشرته الشركة
لأن كل نوب له خاصيه و تأثير لاكن في نفس الوقت كلها مرتبطه مع بعض .. فـ التعامل معه في البدايه يلخبطك
لاكن بتتعلم عليه بسرعة
و سهلت عليكم المهمة وبعطيكم بعد شوي شرح مبدئي له و بشكل بسيط و واضح حتى لو ماعندك خبره بتعرف وش تسوي ..
النتيجة :
اقولها و بدون أي مبالغة
هذي أكبر قفزة حصلت عليها من دخلت هذي الهواية
بعد التجربه الاولى قبل 8 أيام من كتابة هذا المقال حاولت ارجع عادي يعني اسمع بدون لا استخدمه
و الصدق ماني متقبل الرجوع ..
هذا و انا اكره المعالجة الديجيتال
وهذا ما عمره صار لي ولا كنت متخيل انه يصير اصلا
ماراح التكلم او احاول اوصف كل شي لأنه صار نقله نوعيه في كل الإتجاهات ..
الا بقول نقلة في الإستماع بشكل كامل
بختصرها لكم في جملة وحده :
تخيل ان جميع التسجيلات اللي سمعتها كانت ميته
الـ بلقن هذا كأنه رجع لها الحياة
مع الملاحظة : ان هذا اللي أسمعه الآن جاي من إضافة برمجية (بلقن plugin)
تحاكي جهاز SPL Vitalizer Mk3-T = يعني شغل رقمي بشكل كامل …
بينما الجهاز الفعلي نفسه يعالج الإشارة داخل مسار انالوج / Analog حقيقي + مركبين في الجهاز تيوب ،
وهذا بصراحة يخليني متحمس جدا اني أعرف إلى أي مستوى ممكن يوصل الصوت مع الجهاز الفعلي .
وبناء على كذا مراجعة ومقارنات سووها بعض الملاك فضلو الجهاز الفعلي على الـ بلقن بنسبه بسيطه خاصة في الستيج و إحساس الـ 3D .
طيب ,,
كلامي ممكن ما يوصل لكم الصورة بالشكل المناسب
شوف هذولي المقطعين و انا متأكد راح تفهم كل شي انا قلته ..
و الأجمل الإثنين حاطين لك اختبار فعلي لـ بعض الاشياء اللي الجهاز قادر عليها
الأول :
https://www.youtube.com/watch?v=LUClOg0tnFs
انصحك تشوفه أول شي
لأن الاختبار اللي سواه اوضح من اي اختبار ثاني شفته
وقوة الجهاز في التأثير على الصوت بطريقة ما سبق وشفتها في حياتي
الثاني :
من افضل الشروحات اللي شفتها
ويتكلم عن وظائف الجهاز بشكل واضح و غير معقد
https://www.youtube.com/watch?v=z8jIuKYxz4I
برضو مسوي تجربه في نهاية المقطع .. لاكن ماهي بوضوح التجربة الأولى
الثالث :
مقارنه بين الجهاز و الـ بلقن
https://www.youtube.com/watch?v=d5-TKsAElTs
وهذا المالك يتكلم عن قصة الجهاز
https://www.youtube.com/watch?v=jBniZcofPqE
هنا نوصل لطريقة الإستخدام الـ مبنية على نصائح الشركة نفسها و اللي انا سويتها
طلبت من الذكاء الاصطناعي يبسطها و ينسقها و طلعت بهذي النتيجة :
تكلمت فوق عن موديلين متوفرة ضمن الاشتراك الشهر انا مهتم في تجربتهم
الأول :
SPL TwinTube
https://www.plugin-alliance.com/products/twintube
إضافة تحاكي تأثير الـ تيوب / الأنابيب على الصوت.
تضيف دفء وكثافة وامتلاء، وتقدر أيضًا تزيد الحضور والوضوح بشكل ناعم من غير ما يكون التأثير مثل رفع التريبل بشكل مباشر.
ببساطة: تستخدمها إذا حسيت أن الصوت جاف أو نحيف وتبغاه يصير أغنى، أدفأ وأكثر حيوية.
الثاني :
SPL BiG
https://www.plugin-alliance.com/products/spl-big
إضافة مخصصة لتكبير المشهد الصوتي وإعطائه عرض وعمق أكبر.
تقدر تخلي الأصوات تبدو أوسع، أقرب أو أبعد داخل المشهد، بدون ما تحس أنك فقط ترفع الصوت أو تغير الترددات.
فائدتها الأساسية أنها تعطي إحساس أكبر بالمساحة وحجم العناصر، مع الحفاظ على تماسك الصورة بين اليمين واليسار.
وش الجميل في تأثير إضافة الـ SPL Vitalizer Mk3-T
جربتها على الـ ثلاث سماعات الرئيسية عندي :
Lily Audio Genesis One
ALLEN Ribbon
NAN7
ولا احتجت اغير أي شي في التعديلات اللي سويتها
و هذي نقطة تفوق رئيسية على الـ EQ التقليدي
لأن البلقن أو الجهاز هذا يخليك تتحكم في المشهد كامل فـ تقدر تستخدمه على اي هيدفون حتى لو كانت مختلفة في التوننق بدون ما يخرب عليك أي شي ..
بعكس الـ EQ المحدود بتغيير استجابة تردد او ترددات معينة ,, و كل سماعة لازم لها EQ خاص فيها ,, و مشكلته الأزلية إذا عدلت شي بيخرب عليك شي ثاني وهذا واحد من اسباب ابتعادي عنه ..
و هنا نكون وصلنا لنهاية هذا المقال ..
كلمة أخيرة
انا دخلت في عالم مجهول تماما بالنسبة لي
ياليت لو احد له تجربه مع هالجهاز يشاركنا فيها و اكون له من الشاكرين
تحياتي ..
نايف
موجود في السوق
ما فيه إعلان معروض لهذا المنتج الحين.
نبهني إذا نزلاشترك ويوصلك كل مقال جديد على إيميلك
بيوصلك إيميل لتأكيد اشتراكك، اضغط الزر اللي فيه عشان يتفعّل
التعليقات