السلام عليكم
Sony IER-M9 ثاني سماعة أراجعها من Sony بعد IER-Z1R، واللي صار لي معها ما مر علي قبل. تركتها حوالي ثمان شهور: جربتها على حوالي 20 مصدر، وما كانت تستاهل سعرها. حتى مع Chord Hugo TT2 (شكر للأخ علي من أكبر داعمي القناة) تحسنت بس ما وصلت. وصلني دونقل iBasso DC04 Pro، وتحولت حرفياً لسماعة ثانية، فمسحت التقييم القديم وبديت من جديد لمدة 15 يوم.
خمسة بالانسد آرماتشر من تصنيع Sony وحصرية لها، بكروس أوفر 5-Way، المقاومة 20 أوم، والهيكل الداخلي من المغنيسيوم. معها كيبلين (4.4 و3.5)، وإيرتبس سيليكون وفوم. سعرها الرسمي وقت المراجعة 1000 دولار.
لمن تناسب؟
- لمن توقيعها الصوتي هو تفضيله، وبشرط ياخذ معها مصدر يناسبها (عندي كان iBasso DC04 Pro).
نقاط القوة
- العمق الأعمق اللي سمعته، والليرنق 10+.
- تحديد البعد والقرب بدقة مخيفة، وتحول الصوت لإحساس 3D ما صار لي من بديت الهواية.
- التسجيلات اللايف كأنك واقف مع الجمهور.
- الميد بيس سريع بتفاصيل رائعة، ويعجب محبي البيس.
- التربل طبيعي وريلاكس بدون حدة ولا سبلنس، والأبر ميدز بدون عدائية.
- خفيفة بشكل مو طبيعي، والكيابل من أفضل الكيابل وأريحها، وعزلها جيد جداً (ممتاز مع الفوم).
نقاط الضعف
- على أغلب المصادر أداؤها عادي وما تسوى إلا نص سعرها.
- الميد بيس أعلى بكثير من الساب بيس، ويتسرب شوي على الميدز.
- التفاصيل الصغيرة تحتاج رفع صوت، إلا مع المصدر المناسب.
- ما تتسامح مع التسجيلات الضعيفة.
- للألعاب فقط فيه خيارات أفضل بربع السعر.
الخلاصة
إذا فكرت تشتريها، اقرأ كل المراجعات وشوف كل الفيديوهات. لو اقتنعت إن توقيعها تفضيلك، فلا تشتريها بدون مصدر يناسبها.
ملاحظة: المراجعة من سنة 2024، والسعر ممكن تغير.
ملاحظة: المنتج متوقف عن الإنتاج، وممكن تلقاه مستعمل في السوق.
موجود في السوق
ما فيه إعلان معروض لهذا المنتج الحين.
نبهني إذا نزلاشترك ويوصلك كل مقال جديد على إيميلك
بيوصلك إيميل لتأكيد اشتراكك، اضغط الزر اللي فيه عشان يتفعّل
التعليقات