السلام عليكم
RaptGo HOOK-X من أغرب السماعات اللي استخدمتها، وأول IEM بلانر أوبن باك أراجعها. تركيبتها غريبة وفريدة: درايفر بلانر ماقنتك 14.2 ملم، ودرايفر Piezo من فئة Bone Conduction. المقاومة 15 أوم والحساسية 105 dB حسب الشركة، والكونكتر 2 بن، والكيبل بلقاته تتبدل (3.5 و2.5 و4.4). مصنوعة من الألمنيوم. سعرها وقت المراجعة حوالي 240 دولار.
لمن تناسب؟
- للاستماع الممتع ومتابعة الأفلام والمسلسلات. ما تناسب المونيترنق.
نقاط القوة
- من أكبر الساوند ستيج اللي مرت علي: عرضاً وعمقاً وارتفاعاً.
- السبريشن والريزولوشن ممتازة.
- الساب بيس رمبلي وإيري بشكل جميل، وامتداده ممتاز.
- الميدز ممتع، بدون أي استجابة عدائية.
- التربل إيري وسباركلي بتفاصيل ممتازة.
- الصوت مفتوح وماخذ راحته، وخفيفة جداً.
نقاط الضعف
- تتأثر بكل شي: المصدر ونوع الإيرتبس وحجمها، وعمق إدخالها في الأذن، وجودة الملف.
- لازم إغلاق كامل لقناة الأذن (استخدمت الإيرتبس البيضاء بحجم أكبر من المعتاد).
- البيس ثخين ويغطي على بعض تفاصيل الميد بيس، والكنترول أقل من الممتاز.
- الفوكلز متأخر شوي، والكلاريتي جيد جداً بس (طبيعي في الأوبن باك).
- الأصوات اللي المفروض قدامك تسمعها في وسط راسك.
الخلاصة
أنصح فيها بشرط تاخذها للاستماع الممتع أو الأفلام. تونينقها يذكرني بـ 7Hz Timeless، بس فضلتها عليها. Bone Conduction فيها يشتغل على التربل، مو البيس مثل ما توقعت.
ملاحظة: المراجعة من سنة 2022، والسعر والتوفر ممكن تغيروا.
موجود في السوق
ما فيه إعلان معروض لهذا المنتج الحين.
نبهني إذا نزلاشترك ويوصلك كل مقال جديد على إيميلك
بيوصلك إيميل لتأكيد اشتراكك، اضغط الزر اللي فيه عشان يتفعّل
التعليقات