السلام عليكم
مساكم / صبحكم الله بالخير جميعاً
نعرفكم على أحدث إضافة على السستم عندي , جهاز
DENAFRIPS GAIA 15TH DDC
https://iem-world.com/ar/QdOYPWw
من الشركة العريقة @denafrips
و متجر عالم السماعات الموزع الرسمي لهم في السعودية و الخليج العربي
الجهاز هو عبارة عن DDC
و تعني :
Digital to Digital Converter
وبكل بساطة، هذا الجهاز من النوع اللي كثير ناس يسمع باسمه ويحسبه شيء معقد …
لكن فكرته أبسط مما تتوقع.
بالعربي و بشكل مختصر :
جهاز يستقبل الإشارة الرقمية من المصدر عندك،
مثل الكمبيوتر أو الستريمر،
ثم يعيد ترتيبها وتنظيفها ويطلعها بشكل أفضل إلى الـ DAC كـ إشارة رقمية.
يعني هو ما يحول الصوت إلى أنالوج،
لا هو DAC،
لا هو آمب.
دوره الأساسي أنه يكون حلقة تنظيم وتحسين قبل الـ DAC.
يستلم البيانات، ينظمها، يقلل المشاكل، ثم يرسلها للـ DAC بشكل أنظف وأكثر استقرار.
نجي لـ أهم سؤال :
انا كـ مستخدم وش بيفيدني هالجهاز ؟ (أقصد أجهزة الـ DDC بشكل عام)
أحيانًا الإشارة الرقمية تكون صحيحة من ناحية البيانات، لكن توقيتها ما يكون مثالي 100%.
بلخص لكم وش يسوي :
أولا : تنظيف الإشارة الرقمية .
ثانيا : تقليل الـ Jitter و معالجته عن طريق الـ Reclock
النقطة الأولى أعتقد واضحة ولا تحتاج شرح
= يشيل اي نويز او تشويش فيها
النقطة الثانية :
بحاول أشرحها باسلوب بسيط و يكون واضح لأي مستخدم :
الـ Jitter هو اضطراب بسيط في توقيت الإشارة الرقمية.
يعني البيانات نفسها موجودة وصحيحة،
لكن وصولها ما يكون بنفس الدقة والثبات المطلوب.
تخيل عازف يعزف النغمات الصحيحة فعلًا،
لكن بعض الضربات تجي متقدمة شوي أو متأخرة شوي.
هو ما عزف غلط،
لكن الإيقاع نفسه صار أقل انضباط.
هذا بالضبط هو معنى الـ Jitter بشكل مبسط.
طيب كيف يتعامل معه الـ DDC؟
من أهم الطرق اللي يستخدمها شيء اسمه:
Reclock
والفكرة هنا بسيطة:
الجهاز يعيد تنظيم توقيت الإشارة الرقمية
و يكون بعتمد على ساعة داخلية أدق وأنظف،
ثم يرسلها للـ DAC بشكل أكثر ثبات.
يعني كأنه يقول للإشارة:
البيانات عندك سليمه
لكن خليني أرتب لك توقيت خروجها بشكل أفضل و دقة أعلى .
تقدر تتخيلها كذا:
عندك طابور ناس عاديين مثلي و مثلك تبغاهم يمشون بشكل مرتب،
مستحيل كلنا نمشي بسرعة وحدة و شكل واحد يعني عندنا حركة ماهي متناسقة.
الـ Reclock مثل المدرب الي بيعطينا تدريب عشان تصير مشيتنا
بـ إيقاع مضبوط ويخليها أكثر انتظام و نصير نمشي كأننا في إستعراض عسكري .
وش الفائدة النهائية؟
كل ما قلت مشاكل التوقيت،
توصل الإشارة للـ DAC بشكل أنظف وأكثر استقرار،
وهذا يعطيه فرصة أفضل عشان يشتغل بأفضل صورة ممكنة.
وفي بعض الأنظمة ممكن ينعكس هذا على:
وضوح أفضل،
خلفية أنظف،
تماسك أقوى،
وإحساس أكثر بالترتيب والسلاسة.
هل كل نظام يحتاج DDC؟
بكل بساطة ,, لا
بعض الأنظمة يكون الفرق فيها واضح،
وبعضها الفرق يكون بسيط،
وبعضها أصلًا ما يحتاج جهاز مثل هذا.
لكن في الأنظمة الحساسة،
ستريمر ممتاز + داك ممتاز + بري آمب + آمب و الأهم مصدر الموسيقى يكون ممتاز
هنا يبدأ هذا النوع من الأجهزة يبين قيمته فعلًا.
قصتي مع أجهزة الـ DDC
كانت البداية مع جهاز اسمه ماتريكس اوديو اعتقد الاصدار الثاني
وقتها كان نظامي عادي ولا فيه أي تعقيد
و ماكان له أي فائدة نهائيا
بعدها جربت Holo Audio Red
و نفس الشي
ما حسيت ان له أي فايدة
شلت فكرة هـ الأجهزة من راسي
لاكن قبل ثلاث أشهر كان عندي جهاز داك
LAiV Harmony DAC
استخدمته بحدود شهر تقريبا
و ارسل لي المالك الله يجزاه خير
جهاز من نفس الشركة وهو uDDC
و هنا كانت القفزة الواضحة في الآداء بعد ما وصلت الجهاز قبل الـ داك
رجعت جربته على جهازي الـ R26 و الـ Ares 15th و عطاني قفزة للأفضل
قلت خلاص رسمي لازم يكون عندي جهاز مشابه
و من حسن الحظ ما بحثت كثير
واحد من الاصدقاء له فتره يدور على DDC
هاي إند لأن السستم عنده ماشاء الله تبارك الله في لفل ثاني
كلمني عن الـ Gaia 15TH
و انه واحد من افضل الخيارات الي حصلها إذا ما كان الأفضل
كلمت الشركة عليه و خذته بعرض خاص منهم
منها انه يكون عندي جهاز في هالفئه و منها يجربه صديقي قبل لا يشتري
و الحمد لله جربه فترة قصيرة و اعجبة و اشتراه
و الجهاز متاح للتجربة لبعض العملاء عندي , اعذروني ما اقدر اوفر التجربة للجميع
و الحمد لله اني خذته لأن فرق معي الآداء في عدة نقاط :
– نقاء الصوت
– الإيميجنق : واحد من أوضح الفروقات عندي ارتفعت دقته بشكل غير متوقع
– عمق الـ ستيج
– هدوء الخلفية = بلاك باك قراوند مرعب
– قدرت استخدم معه كيبل
نصائح لأي مستخدم يفكر يشتري الـ Gaia 15th
– الجهاز يحتاج بيرن ان على الأقل 150 ساعة
– لا تطفي الجهاز نهائياً لأن نوع الساعة الي مستخدمينها فيه تعتمد على الحرارة العالية المستمرة .
– لو طفيته مثلا ساعة راح تضطر تشغله وتنتظر بحدود 15 ساعة عشان يرجع يعطيك الآداء المثالي .
– الجهاز يجي بدون باور كيبل فـ اختار له نوع ممتاز و مخصص للأجهزة الرقمية = يعني الشيلد يكون 100٪
– أنصح بكون إدخال البيانات و اخراجها عن طريق الـ AES
– وزن الجهاز 8 كيلو ثقييييييييل لازم يكون عندك راك او طاولة تتحمل هالوزن
طيب نجي لنقطه ايضا مهمه جدا:
وش الي يميز جهاز
DENAFRIPS GAIA 15TH
عن غيره ؟
2 لينير باور سبلاي 80W
مستخدمين فيها أنقى نحاس على وجة الأرض
UP-OCC Copper
و على حد علمي هو الجهاز الوحيد الي مسويها (ماني متأكد 100٪)
= يعني طاقة نظيفة بأعلى شكل ممكن
حتى من إهتمام الشركة بأدق التفاصيل و اصغرها
مستخدمين مدخل الطاقة من شركة FURUTECH
اليابانية – (أشهر شركة تهتم بالطاقة في مجال الصوتيات و تصنف ضمن شركات الـ هاي اند)
ما سبق وشفت شركة تحطه في اجهزتها
من أكثر الأشياء المهمة هي الساعة الداخلية المستخدمة فيه،
وهي من نوع OCXO.
ببساطة، هذي ساعة عالية الدقة جدًا، ومهمتها تضبط توقيت الإشارة الرقمية بشكل أكثر ثبات واستقرار قبل ما تروح للـ DAC
والميزة هنا مو في الساعة وحدها فقط،
بل في إن الجهاز مبني حولها بشكل كامل:
FPGA Processing
+
Reclocking
+
FIFO Buffer
+
عزل كهربائي
+
باور لينير قوي جدًا.
يعني الفكرة مو مجرد “تنظيف USB” مثل بعض أجهزة الـ DDC البسيطة،
لا
هنا أنت عندك جهاز Flagship
هدفه يعيد بناء الإشارة الرقمية بطريقة أكثر جدية و أعلى دقة .
تنوع المداخل و المخارج
و هنا نكون وصلنا نهاية المقال
اتمنى اكون قدرت اوضح لكم خصائص هالجهاز بشكل واضح
وتقبلو تحياتي ..
نايف
موجود في السوق
ما فيه إعلان معروض لهذا المنتج الحين.
نبهني إذا نزلاشترك ويوصلك كل مقال جديد على إيميلك
بيوصلك إيميل لتأكيد اشتراكك، اضغط الزر اللي فيه عشان يتفعّل
التعليقات