السلام عليكم
BLON BL-01 سنقل داينامك درايفر 10 ملم، الحساسية 102 dB والمقاومة 16 أوم حسب الشركة. مصنوعة من المعدن بالكامل، وكيبلها 4 كور (نفس كيبل BL-03) بكونكتر 2 بن. سعرها وقت المراجعة حوالي 22 دولار (حوالي 80 ريال) في AliExpress، والنسخة اللي عندي بدون مايك.
لمن تناسب؟
- لمن ما يحب أي حدة في الصوت ويبي شي مريح للأذن، ويحب البيس المرفوع شوي. ممتازة للأغاني العربية.
نقاط القوة
- البيس ممتاز، ومميزة في الديب بيس المستمر، والميد بيس واضح ومتقدم شوي.
- الفوكلز النسائي واضح وبدون حدة.
- التربل ناعم وواضح بدون حدة، وطبقاته واضحة.
- المايكرو ديتيلز جيدة جداً، ومريحة لفترات طويلة رغم ثقل المعدن.
- للأغاني العربية (الصوت والتفاصيل والطبقات) من أفضل السماعات اللي استخدمتها.
نقاط الضعف
- تحتاج طاقة أكثر من مثيلاتها، والجوال ما يعطيها كامل طاقتها: تحتاج أمب أو داك.
- الفوكلز الرجالي مكتوم شوي، والميدز عموماً لورا، والميد بيس يغطي على بعض التفاصيل الصغيرة.
- الأصوات الحادة عمداً في بعض التسجيلات تطلع مكتومة.
- الإميجنق جيد يمين ويسار بس، وضعيف في باقي الاتجاهات، والعزل متوسط.
الخلاصة
لو كان الإميجنق أفضل كانت بتكون من أفضل السماعات تحت 100 دولار. تحتاج بيرن إن (سويت لها حوالي 70 ساعة وتحسن البيس)، وشخصياً بضيفها لمجموعتي.
ملاحظة: المراجعة من سنة 2021، والسعر والتوفر ممكن تغيروا.
موجود في السوق
ما فيه إعلان معروض لهذا المنتج الحين.
نبهني إذا نزلاشترك ويوصلك كل مقال جديد على إيميلك
بيوصلك إيميل لتأكيد اشتراكك، اضغط الزر اللي فيه عشان يتفعّل
التعليقات