السلام عليكم
مساكم الله بالخير جميعا
مراجعتنا اليوم لـ جهاز آمبلي فاير من شركة Aune الغنية عن التعريف موديل N7
وهو جهاز ضمن الفئة المتوسطة بين منتجات الشركة
مع جزيل الشكر و التقدير لـ شركة Aune @auneaudio على ارسال الجهاز للمراجعة 🌹
و قبل نبتدي المراجعة :
الجهاز ارسلته شركة Aune لي قبل لا اصير وكيل لهم وطلبو رأيي الصريح فيه وهذا الي راح يصير بإذن الله و راح اكون متشدد معه اكثر من غيره بسبب انه واحد من المنتجات الي نبيعها في متجر عالم السماعات
مصادر التشغيل :
الـ ستريمر : Lumin U2 Mini
الـ داك : DENAFRIPS Ares 15th R-2R DAC
الهيدفون :
HEDD2 & Sivga PENG & Verum One MKII
الـ سبيكر :
Kef LS50 Wireless
وصلته عن طريق كيبل RCA
و بوضح السلسلة بشكل كامل في نهاية المراجعة
ببتدي مراجعتي بذكر النقاط الإيجابية و السلبية :
أولا : الإيجابيات
– حجم الجهاز صغير و ما راح يسبب لك اي ضيق على المكتب
– شاشة معلومات ملونه
– كلاس A آمب
ـ قادر على تشغيل أي سماعة توصلها عليه (مهما كانت السماعة متطلبة للطاقة)
– التوقيع الصوتي الموسيقي البحت (ما راح يعجب المستخدمين الي يدورون توقيع محايد او تحليلي)
– مداخل و مخارج بالانسد حقيقية
– التحكم بمستويين الكرنت Current (من أفضل الميزات خاصة لأي مستخدم يملك سماعة بلانر)
– الـ Volume Control من نوع R2R وهذي نادر تحصلها الا مع الأجهزة فوق 1000$
ـ يدعم ميزة الـ Preamp .. مع دعم التحكم في مستوى الصوت على الوضع هذا .
– يجي معه ريموت كنترول معدني للتحكم في اغلب وظائف الجهاز
– أداء إستثنائي مقابل السعر
السلبيات :
– ما يملك مخرج هيدفون XLR
ـ ما فيه وضع خمول يعني يا تشغله او تطفيه بشكل كامل + زر التشغيل من الخلف !
– التحكم بالصوت سواء عن طريق الريموت او من الجهاز نفسة ماهو دقيق جدا (احيانا ترفع الصوت يطلع معك درجتين مع اني ضغطت مره وحده في الريموت) .
– ترتفع حرارة الجهاز نوعا ما (مع انه طبيعي في هذي الفئة من الآمبات اقصد الـ كلاس A لاكن حبيت اذكرها)
– ما تقدر تستخدم معه باور كيبل إجباري تستخدم المحول المرفق من الشركة .
– التوقيع الصوتي ما يناسب كثير مستخدمين خاصة الي يبحثون عن ادق التفاصيل او الآداء التحليلي و معهم اللاعبين .
موصفات الجهاز :
مداخل و مخارج الجهاز :
ننتقل لتقييم آداء الجهاز التقني و بنوضحها في عدة نقاط :
– التوقيع الصوتي :
دافئ
توجه موسيقي بحت .. و صراحة نادرة جدا الأجهزة الي تملك التوجه الصوتي هذا
و اقدر اقول بكل ثقة انه هذا الآمب عطاني مستوى طربي اعده الأفضل حتى الآن بعد جهاز holo audio bliss kte الي سبق وراجعته على قناة اليوتيوب وسعره 3600$
– الساوند ستيج :
واسع و عميق جدا جدا جدا ..
من أجمل الستيج الي ممكن تمر عليك
– الـ لايرينق :
ممتاز .. واضحه المسافات بين طبقات الصوت
– الـ كليرتي :
متماشيه مع التوجه الصوتي .. يعني الي يبغى افضل كليرتي يتوجه ل اخوه الأكبر Aune S17 Pro EVO
و هذا ما يعني انها سيئة على هذا الجهاز .. لا ابدا لاكن ماهي الافضل
– هدوء الخلفية (الـ باك قراوند) :
ممتاز .. لا نويز و لا هيسينق نهائياً
– الفصل بين الأصوات :
رائع على هذا التوجه الصوتي .. و الشي هذا برضو بيعتمد على سماعتك الي تستخدمها ضروري تكون ممتازة في النقطه هذي
– إبراز التفاصيل و كشفها :
إذا خذت بالاعتبار توجهة الصوتي .. اشوفه ممتاز ..
لاكن اذا بتقارنه بـ الاجهزة الي يكون توجهها محايد .. لا اكيد بتكون افضل منه
و بختصرها لك إذا كان إبراز التفاصيل يهمك في المقام الأول .. الجهاز ماهو لك
أما الآداء الصوتي :
الـ بيس :
أقوى و أجمل آداء مر علي إلى الآن ..
الجهاز يعزز استجابة البيس و يبرزها خاصة الـ sub-bass مهما اوصفها لكم ما اقدر اوصل الصورة بشكل كامل
يحسن تهويته , و يرفع كميته , ويعطيه دفئ و بالتالي كل هذا بينعكس على السماعه الي تستخدمها عليه مثلا سماعة sivga Peng و سماعة HEDD2 كلهم فيهم ضعف في الـ سب بيس بعد توصليهم على هالجهاز انتهت المشكلة بشكل كامل .. الا صار بارز وعطى الصوت دفئ موسيقي رهيب
ولو سماعتك البيس فيها عالي ترى بيرتفع زيادة .. ضروري تنتبه .. الا اذا كان هذا تفضيلك
و كان أجمل آمب استخدمته على سبيكر kef ابرز البيس فيه بشكل رااااااائع و ممتع
الـ ميدز :
جاي خلف البيس شي بسيط , دافئ , ممتع , طبيعي , كل الاصوات لها وزن , ما يعاني لا من النحف او الحده
التريبل :
جاي الاخير في الترتيب بعد البيس و الميدز , ترى بنسبه بسيطةمستوى اللمعان فيه معتدل , خالي من الحدة و السيبلينس حتى لو سماعتك حاده راح تهدى شوي مع هالجهاز .
التفاصيل فيه معتدلة البروز , يعني لو تدور جهاز يبرزها لك ما راح يعجبك .. بتسمعها و واضحه بس ماهي بارزة
امتداده للترددات العاليه رائع ,, ما ادري كيف حافظو عليها بالتوقيع الصوتي هذا
– توضيح سلسلة التشغيل بـ الكامل
Router – الراوتر
Ethernet Cable From ERUMPENT
https://s.click.aliexpress.com/e/_oF9AtUB
⬇️
Streamer
LUMIN U2 Mini
https://www.suncoastaudio.com/collections/lumin/products/lumin-u2-mini
⬇️
كيبل Coaxial
https://iem-world.com/ar/DppYAOb
By : IEM World
⬇️
Dac
DENAFRIPS Ares 15th R2R DAC
https://iem-world.com/ar/YgEbZwE
⬇️
كيبل ULTRA Copper – X / XL
https://iem-world.com/ar/vAXDmDl
By : IEM World
⬇️
AMP
Aune N7
https://s.click.aliexpress.com/e/_olwOi5H
الـ هيدفون
Blue Orbit – هيدفون كيبل
https://iem-world.com/ar/WzAARZP
By : IEM World
Kef LS50 Wireless – RCA
و في الختام :
إذا كنت تبحث عن جهاز آمب بتوقيع صوتي دافئ و توجه موسيقي طربي و قادر على تشغيل أي سماعة و بسعر معقول جدا فـ Aune N7 هو الخيار الأول بلا منازع ..
تحياتي
نايف
موجود في السوق
ما فيه إعلان معروض لهذا المنتج الحين.
نبهني إذا نزلاشترك ويوصلك كل مقال جديد على إيميلك
بيوصلك إيميل لتأكيد اشتراكك، اضغط الزر اللي فيه عشان يتفعّل
التعليقات