السلام عليكم
AirPods Pro الجيل الثاني من أشهر سماعات البلوتوث على الإطلاق، بس هالمراجعة عن الأداء الصوتي، مو المميزات اللي الكل يتكلم عنها. معالج H2، وكودك AAC بس. سعرها وقت المراجعة 249 دولار. جربتها على وضعي ANC وTransparency، بدون Spatial Audio لأن جوالي أندرويد.
لمن تناسب؟
- لمن يهمه صغر الحجم والعزل والبطارية والمكالمات، خاصة على الآيفون. ما تناسب من يهمه الأداء الصوتي.
نقاط القوة
- عزل الضوضاء الأفضل بلا منازع، وما يغير في الصوت: في السيارة على 100 ما سمعت شي.
- وضع Transparency واقعي بدرجة كبيرة.
- المايك في المكالمات ممتاز جداً.
- ما لاحظت تأخير في الصوت مع الفيديوهات.
- الساب بيس كميته ممتازة ويملأ المكان، والتربل سموث ومريح.
- التوقيع محايد دافئ، ويعجب أغلب الناس.
نقاط الضعف
- كودك AAC بس: ما يوصل حتى لجودة MP3 بـ 320.
- الساوند ستيج صغير وقريب، والإميجنق والليرنق جيدة بس.
- التفاصيل الصغيرة أقل من المتوسط (4 من 10).
- البيس جودته عادية، ويتسرب على الميدز.
- الفوكلز النحيف راجع للخلف.
الخلاصة
كأداء صوتي ما تستاهل حتى نص سعرها. 7Hz Zero (20 دولار) مع محول Hiby WU1 تفوقت عليها في كل شي إلا العزل، بتكلفة حوالي 100 دولار. فيه خيارات كثيرة، مثل SeeAudio Yume مع Hiby WU1، وكلها أقل من سعرها.
ملاحظة: المراجعة من سنة 2022، والسعر ممكن تغير.
ملاحظة: المنتج متوقف عن الإنتاج، وممكن تلقاه مستعمل في السوق.
موجود في السوق
ما فيه إعلان معروض لهذا المنتج الحين.
نبهني إذا نزلاشترك ويوصلك كل مقال جديد على إيميلك
بيوصلك إيميل لتأكيد اشتراكك، اضغط الزر اللي فيه عشان يتفعّل
التعليقات