السلام عليكم
مساكم الله بالخير جميعاً
قبل لا ابتدي في التفاصيل , أرجو قراءة المقال بالكامل ولو حبيت تطور سماعتك :
الآن متاح للطلب و الرابط في نهاية هذا المقال ..
و للعلم التعديل يلغي ضمان الشركة
أي مستخدم للـ هيدفون سواء جديد أو قديم متأكد انه مر عليه اسم هذي السماعة
HifiMan HE400se
من شركة @hifimanofficial الغنية عن التعريف
و اللي سبق و راجعت الإصدارين منها على هذا الرابط
https://youtu.be/SBEPcm5k9xA
رابط السماعة من متجر الشركة الرسمي :
https://s.click.aliexpress.com/e/_c3wU6T1h
و اقولها بكل صراحة سماعة لا يوجد لها منافس حتى بـ ضعفي قيمتها إذا شغلتها بشكل صحيح (تشغيلها صعب شوي) – نصائح التشغيل في نهاية المقال
لي سنه و أكثر وهي سماعتي الرئيسية في “تجارب التشغيل الأولية” خاصة مع كيابل الهيدفون الجديدة اللي اشتريها او اسويها .
لأن ما تدري يمكن يكون فيه خلل في الكيبل وتخاف على سماعاتك الغالية
هذي تكلفتها بسيطة و لا تخاف عليها لو خربت
اثناء هالفترة لاحظت تأثر السماعة بشكل واضح بـ كل كيبل اجربه عليها .. و الشي هذا ميزة فيها
على رخص سعرها قاعد آدائها يتغير مع كل شي
كنت استخدمها بدون لا اغير شي فيها فقط افعل وضع الـ بيس بالطريقة هذي
https://youtube.com/shorts/fl8XrrqlFx8
قررت اسوي لها ترقية للكيابل الداخلية الي للأسف طلعت سيئة جداً جداً و تحد بشكل كبير من آدائها
وقبل الترقية حددت النقاط الي احتاج احسنها فيها
– إتساع الـ ستيج كان متوسط و تمنيت لو اقدر ارفعه , وللعلم ترا هذي السماعة من أفضل السماعات من ناحية الـ ديبث يعني عمق الستيج و تفوقت على سماعات كثير مثل الـ سنهايزر HD800s في النقطة هذي (عمق الـ ستيج) و الـ 800 معروف انها ملكة الـ ستيج من ناحية الإتساع ..
– رفع جودة التريبل و إضافة لمعان له بس ما يكون مزعج او يسبب حده .
– رفع جودة البيس و زيادة عمقه خاصة الـ Sub-Bass
– زيادة توازن الـ upper-mid : و النقطة هذي صعب تحقيقها بـ الكيابل ممكن تتحسن شي بسيط لاكن ما راح توصل للشي الي ابغاه و الحل الوحيد معها تغيير الـ بادز .. و بتكلم عنها بعد شوي
والحمد لله حددت المعادن الي راح تفيدني بأكبر شكل ممكن في تحسين آدائها بالشكل الي ابغاه
والفضل بعد الله يرجع إلى اني مجرب اغلب المعادن و عارف تأثيراتها
وكان الإختيار على الـ OFHC و الـ Sterling Silver
الأول : OFHC
ويأثر بشكل مباشر على : عمق البيس + تحسين استجابة الـ سب بيس + زيادة حجم الـ ستيج + تحسين و رفع إحساس الـ 3D .
الثاني : Sterling Silver بدرجة نقاء 6N
يأثر بشكل مباشر : تحسين إبراز التفاصيل بدون أي حدة + تحسين التهوية + تحسين الرزلوشن + إعطاء لمعان الفضة للتريبل بدون لا يكون مزعج
و الحمد لله السماعة ما تستهلك أطوال كبيرة يعني من كل معدن بحتاج إلى 40 سم بالضبط ..
مقسومه 20 سم للجهة اليمين و 20 لليسار (لـ كل معدن) يعني الإجمالي 80 سم ..
يمكن البعض بيستغرب ليش انا دقيق كذا , اني احسب بـ الـ CM !!
السبب بكل بساطة أسعار المعادن (الخام) الي استخدمتها من ضمن الأغلى في العالم
ابتديت اشتغل عليها
نحتاج نفك الـ 6 مسامير
و نفك الحلقة المعدنية و حلقة الـ فوم الي تحتها
بعدها بكل حذر نحرك الدرايفر عشان نطلعه من الـ كب بدون لا تتأثر الكونكترات او تنعفط او تنقص
نبتدي نذوب لحام الـ كوندكترات من الـ كونكتر بـ العصا الكاويه
الحمد لله فكيتها ..
باقي الشغل الصعب , الا بقول المعقد ..
فك الـ كيبل من الدرايفر 🫨
الشركة مدخلته في مثل الحفره عرضها ما يوصل 5 ملم
و لأني جالس اشتغل بـ أداة حرارتها 350 درجة ..
يعني أي غلطة يمكن يودع معك الدرايفر 😟
بس الحمد لله مع الخبرة الي اكتسبتها سهلت علي العملية + عندي عدد كبير من الرؤوس الكاوية قدرت اختار الأنسب للوضع هذا ..
و الحمد لله فكيتها و مثل ما تشوفون بدون أي ضرر على الدرايفر
اثناء الشغل كنت استخدم النظارة هذي .. عشان تكبر لي المكان و تسهل الشغل علي
جهزت الكيابل و لحمتها مع بعضها
و الـ لحام الي استخدمته هو الأفضل على مستوى العالم و الأغلى
فخر الصناعة الألمانية Mundorf
الفئة العليا : MSolder SUPREME
ويحتوي على المعادن التالية :
ذهب + فضة + نحاس + قصدير
يعني مع الشحن و الضريبة قريب 200$
وهنا بعد ما لحمت الكيابل الجديدة
ورجعت الدرايفر على السماعة
و ابتديت تجربتي .. السماعة اليسار بـ الكيابل الاصلية و اليمين بـ الكيابل الجديدة
من أول ما جربتها
ياجماعة كأنهم سماعتين مختلفتين
التأثير صادم ..
الجهة اليمين ستيج واسع و تفاصيل رائعة المايكرو ديتيلز صارت اوضح حتى لو تسمع على صوت منخفض مع مستوى اللمعان الي ابغاه و البيس زاد عمقة و ارتفعت جودته
و الـ ابر ميدز رجع للخلف (هذا تفضيلي و اشوفه هو التوازن ما هو تراجع)
الـ هولوقرافيك (احساس الـ 3D) وصل مستوى مرعب فيها الا بقول تحسن بنسبة لا تقل عن 40٪
و كنت استخدم معها كيبلي الـ Blue Orbit
ما ابالغ لو قلت ان هذي السماعة بعد الترقية قربت لـ مستوى أكثر سماعة أحبها وهي HifiMan HE500 OG
واللي يعرفني يعرفني هذي السماعة وش تعني لي : جربت تقريبا 60 هيدفون على مدى السنوات الماضية و بميزانيات مختلفة من 50$ الى 6000$
و اكثر سمااعة تطربني هي الـ HE500 OG
الي ابتدى بيعها عام 2009 وتوقف تصنيعها اعتقد عام 2014
قلت باقي الـ بادز لازم اغيرها و اشوف إلى وين بتوصل هالسماعة ..
ولحسن الحظ عندي بادز اشتريتها للـ HE500 و تركب على هذي
و هي : ZMF Hifiman+ Hybrid
https://shop.zmfheadphones.com/products/zmf-hifiman-subs?variant=44061750624419
صورتها لكم بجانب الـ بادز الأصلية الي جاية مع الـ 400
و الفرق واضح : اتساع الفتحة اكبر+ تبعد اذنك عن الدرايفر يعني اعمق شوي
و استخدم معها مود الـ بيس بس بطريقة اخرى و هي الافضل من وجهة نظري
وهي الـ تيوب المجوف
و بعد تركيبها اقولها و بكل ثقة انها تفوقت على الـ HE500 في إستجابة الـ بيس
و في الأخير .. ان سماعة سعرها بحدود الـ 50$ قدرت بالتطوير هذا توصل لمستوى الـ HE500 .. اعتبره شي إستثنائي بما تحمله الكلمة من معني ..
الآن بإمكان الجميع طلب الترقية
عبر هذا الرابط :
https://iem-world.com/eQgBzGX
نصائح تشغيل السماعة : تعتبر من السماعات الي تشغيلها بشكل صحيح يحتاج طاقة عالية نسبياً طيب و ش انصح فيه كـ مصدر تشغيل ؟ الخيار الافضل للميزانية المنخفضة :
https://s.click.aliexpress.com/e/_c3Ydhe6R
والي يبغى شي ارخص .. هذا :
https://hangout.audio/products/crinear-protocolmax
و ضروري جدا تغير الكيبل :
انصح تاخذ كيبل بالانسد سواء 4.4 أو XLR
تقدر تشوف مجموعة الكيابل الي نسويها و قابلة للتخصيص
Vera
https://iem-world.com/XzrGQmj
Pure
https://iem-world.com/YzABPzW
Blue Orbit
https://iem-world.com/WzAARZP
و قريبا بإذن الله راح نعلن عن كيبل إقتصادي : على هذا الرابط
الرابط غير فعال حالياً لحين إنتهاء التجارب
https://iem-world.com/ABeKDqA
تحديث :
بالنسبة لسماعة HE6se V2
تحتاج لـ تعديل داخلي بسيط مثل ما تشوفون في الصور
تحديث 2 :
تم بحمد الله التعديل على سماعة hifiman edition xs
وترقية الكيابل الداخلية إلى OFHC
و النتائج مبشرة جدا
و الأهم في تعديل هذي السماعة
هو تغيير الـ Grill
و تحويل آدائها ليصل إلى Hifiman arya organic
و ايضا تحويلها إلى كلوز باك
بعلن عنها خلال اليومين القادمة بإذن الله
تحياتي ..
نايف
عالم السماعات
موجود في السوق
ما فيه إعلان معروض لهذا المنتج الحين.
نبهني إذا نزل
التعليقات