السلام عليكم
EPZ Q1 أول سماعة اقتصادية أجربها بتوقيع دارك (مظلم)، وأول مرة أشوف هالتوقيع في هالفئة. شكر لشركة EPZ على إرسال العينات، والمراجعة تعبر عن رأيي بدون أي تأثير. سنقل داينامك درايفر 13 ملم بدايافرام مطلي بالتيتانيوم، المقاومة 32 أوم والحساسية 115 dB حسب الشركة، والكونكتر 2 بن. الصدفة ريزن خفيفة. سعرها وقت المراجعة 27 دولار. التقييم مبني على التوقيع الدارك، فلا تقارنها بتواقيع ثانية.
لمن تناسب؟
- لمن يحب التوقيع الدارك جداً، أو مستعد يسوي لها EQ. وللبودكاست ومتابعة اليوتيوب.
نقاط القوة
- الساوند ستيج اتساعه وارتفاعه ممتاز.
- وضوح التفاصيل فاجأني على توقيع دارك ودرايفر واحد.
- البيس بكمية مهولة، وامتداده قوي جداً (وصلت لـ 13 هيرتز على AKM).
- التربل سموث بدون أي حدة ولا سبلنس.
- مريحة جداً، والكيبل أطول من المعتاد (حوالي 1.45 متر)، وتأثرها بالمصدر خفيف.
- في الألعاب: الساوند ستيج والإميجنق ممتازة.
نقاط الضعف
- بيس بليدنق واضح، والميد بيس ثقيل وبطيء.
- الميدز مو طبيعي 100٪: الفوكلز النسائي أثخن ومكتوم شوي.
- التهوية في التربل شبه معدومة، وفيه انخفاض حوالي 6000 و14000 هيرتز.
- الكلاريتي مقبول مع الأغاني المزحومة، والسبريشن جيد جداً بس.
- البيس يغطي على كل شي وقت الأكشن في الألعاب.
الخلاصة
ما أنصح فيها إلا بشرطين: تفضل التوقيع الدارك، أو بتسوي لها EQ (معه تتحول لسماعة قوية جداً). غير كذا، EPZ G10 تتفوق عليها في كل شي.
ملاحظة: المراجعة من سنة 2023، والسعر ممكن تغير.
موجود في السوق
ما فيه إعلان معروض لهذا المنتج الحين.
نبهني إذا نزلاشترك ويوصلك كل مقال جديد على إيميلك
بيوصلك إيميل لتأكيد اشتراكك، اضغط الزر اللي فيه عشان يتفعّل
التعليقات